AQSh-ta júzdegen úı órtenip ketti
ASTANA. 30 shilde.QazAqparat - AQSh-tyń Kolorado shtatynda sońǵy birneshe kún ishinde 350-ge jýyq úı órtenip ketti. Tabıǵı apat saldarynan Kolorado-Sprıngs qalasynan otyz myńnan astam turǵyn qaýipsiz aımaqqa kóshirilgen.
Bul týraly BAQ.KZ jazady.
Órt sóndirýshiler qaladaǵy mańyzdy nysandardy tilsiz jaýdan saqtap qala aldy. Atap aıtqanda, áskerı-áýe akademııasy, AQSh-tyń olımpıadalyq quramasy jattyǵý ótkizetin ortalyq jáne ózge de ǵımarattar. Órtpen kúres áli júrgizilip jatyr.
Búginde Amerıkanyń batysyndaǵy birneshe shtat órtten zardap shegýde. Tilsiz jaý ıÝta shtatynda - 180 sharshy shaqyrym, Montanada - 500 sharshy shaqyrym aýmaqty sharpyǵan. Osy shtattarmen qosa Kalıfornııa jáne Nevada shtattarynan myńdaǵan adam kóshirilip, kóptegen turǵyn úıler tolyqtaı órtenip ketti. Ázirge qurban bolǵandar jaıly aqparat kelip túspegen.
Tótenshe jaǵdaıǵa sebep bolǵan birden-bir jaıt - qurǵaqshylyq deıdi sala mamandary.
