AQSh-ta júrgizýshisiz basqarylatyn avtobýstar synaqtan ótkizile bastady
ASTANA. QazAqparat - AQSh-tyń Kalıfornııa shtatynda júrgizýshisiz basqarylatyn avtobýstar synaqtan ótkizile bastady. Ol birneshe aıǵa sozylady, dep jazady «Habar 24».
Negizi, kóliktiń bul túrin frantsýz kompanııasy jasap shyǵarǵan. Eger synaqtan sátti ótse, 12 oryndyq avtobýstar bıylǵy jyldyń sońynda baǵdarǵa shyǵýy tıis. Bul shtattaǵy alǵashqy osyndaı joba bolǵaly tur. Jalpy, bıyl qańtarda AQSh-tyń Las-Vegas qalasynda da ózdiginen basqarylatyn avtobýs synaqtan ótkizilgen bolatyn.
