AQSh-ta júrgizýshini qajet etpeıtin júk kóligin jasap shyǵardy - VIDEO
ASTANA. QazAqparat - Freightliner kompanııasy júrgizýshini qajet etpeıtin júk kóligin jasap shyǵardy. Bul týyndy álemdegi ózin-ózi basqara alatyn alǵashqy júk kóligi statýsyna ıe boldy, dep jazady massaget.kz.
Qajyrly eńbektiń arqasynda jahanǵa jańalyq bolyp kelgen bul júk kóligi, búgingi tańda Nevada shtatynda arly-berli júıtkip júr. Kóliktiń tıimdiligi men qaýipsizdigine kóz jetkizgen nevadalyqtar, onyń qoǵamdyq joldarda erkin júrýine ruqsat etken. Freightliner Inspiration Truck kóligi Highway Pilot júıesimen jumys isteıdi.
Freightliner Inspiration Truck kóligi jyldamdyq aǵymyna qaraı beıimdele, araqashyqtyqty saqtaı, kerek jerde tejegishti qoldana alady. Tipti, keptelis kezinde aldyndaǵy kólik pen baǵdarshamǵa toqtap, jolyn ary qaraı jalǵastyra alady. Kólik aldyńǵy bamperde ornalasqan radar arqyly basqarylady. Onyń kózi de hám mıy da osynda. Degenmen, áli de tolyqtyrý jumystary qajet. Kólikti júrgizý úshin bolmasa da, ony iske qosýǵa bir adam kerek. Sebebi, aqyldy kólik, ázirshe adam sııaqty nebir manevrlerdi jasaı almaıtyn kórinedi.
