AQSh-ta júrginshiler kópiri qulap, adamdardy basyp qaldy
ASTANA. QazAqparat - AQSh-taǵy Florıda shtatynda jaıaý júrginshiler kópiri opyryla qulaǵan. Oqys oqıǵa saldarynan birneshe adamnyń mert bolǵany jáne jaraqat alǵandary belgili bolyp otyr, dep habarlaıdy CNN telearnasy jergilikti polıtsııaǵa silteme jasap.
Qurylys jumysynyń 2019 jyldyń basynda bitýi josparlanǵan.
Bul jańa kópir Maıamıdiń ońtústik-batysyndaǵy Halyqaralyq ýnıversıtet kampýsynyń janynda ornalasqan. BAQ derekteri boıynsha, jolǵa qulaǵan salmaǵy 950 tonnalyq kópir qurylymy birneshe avtomobıldi basyp qalǵan. Oqıǵa ornynda qutqarý jumystary júrip jatyr. Apat sebebi ázirge belgisiz.
