AQSh-ta jumys ornynda qysym jasalǵany úshin musylman áıelge 5 mln. dollar ótemaqy tólenbek
ASTANA. 7 mamyr. QazAqparat - Islam dini jolyn ustanatyn amerıkandyq azamatshaǵa burynǵy basshysy jumys ornynda dıskrımınatsııa jasaǵany úshin 5 mln. AQSh dollary kóleminde ótemaqy tóleıtin boldy.
Bundaı sheshimdi Mıssýrı shtatyndaǵy alqabıler soty shyǵardy, dep habarlaıdy ITAR-TASS "Kanzas-Sıtı star" gazetine silteme jasap.
Sıýzan Bashırdiń aıtýynsha, 2005 jyldan beri ıslam dinin ustanǵannan keıin ol birneshe jyldar boıy AQSh-tyń "Eı-tı end tı" iri uıaly baılanys operatory kompanııasynyń tarapynan qysym kórgen. Bir joly musylman áıeliniń shashyn jaýyp turatyn dástúrli oramaldy basshysy julyp alǵan kórinedi. Osydan keıin S. Bashır teń múmkindikte eńbekpen qamtý jónindegi komıssııaǵa shaǵym jasaıdy. Al oqıǵadan soń bolǵan kúızelisten keıin ol jumysqa 9 aı barmaǵan. Bul jaǵdaı ony jumystan shyǵarýǵa soqtyrdy.
5 mln. dollardan bólek alqabıler jalaqy men basqa da shyǵyndar úshin Bashırge 120 myń dollar ótemaqy tólenetin sheshim shyǵardy.
