AQSh-ta júkti áıelden maımyl sheshegi anyqtaldy

VAShINGTON. QazAqparat - Aýrýlardy baqylaý jáne aldyn alý ortalyǵynyń ókilderi AQSh-ta alǵash ret júkti áıelden maımyl shesheginiń anyqtalǵanyn málimdedi, dep habarlaıdy QazAqparat CBS News arnasyna silteme jasap.

Doktor Djon Brýkstyń aıtýynsha, áıeldiń júktiligi kezinde balaǵa aýrý juqpaǵan. Jańa týǵan náreste azyq-túlik jáne dári-dármekterdi baqylaý basqarmasy ruqsat etken preparattarmen profılaktıkalyq emdeýden ótti. Qazirgi ýaqytta ana men balanyń densaýlyǵyna tóngen qaýip joq.

Aıta ketsek, 2017 jyly Kongo Demokratııalyq Respýblıkasynda maımyl sheshegimen aýyratyn tórt júkti áıelge júrgizilgen zertteýdiń úsheýi uryqtyń ólimine ákelgenin kórsetken.

«TPOXX» dep te atalatyn «Tecovirimat» vırýsqa qarsy preparaty janýarlarǵa qoldanylǵan kezde janama áserleri bolmady. AQSh-taǵy joǵary qaýiptilik tobyndaǵy adamdarǵa usynylatyn «Jynneos» vaktsınasy býaz janýarlar arqyly synaldy jáne eshqandaı alańdaýshylyq týdyrmady.

Atalǵan oqıǵa AQSh Densaýlyq saqtaý organdary balalardaǵy maımyl shesheginiń alǵashqy eki jaǵdaıyn rastaǵannan birneshe kún ótken soń anyqtaldy.

Dúnıejúzilik densaýlyq saqtaý uıymynyń dárigeri Tedros Adanom-Gebreısýs vırýstyń qaýipti toptarǵa, sonyń ishinde balalarǵa, ımmýnıteti tómen adamdar men júkti áıelderge taralý múmkindigine alańdaýshylyq bildirdi.

Foto: sites.wp.odu.edu