AQSh-ta júk ushaǵy apatqa ushyrady
ASTANA. QazAqparat - AQSh-tyń Batys Vırdjınııa shtatynyń ákimshilik ortalyǵy - Charlston qalasyndaǵy áýejaıda Air Cargo áýe kompanııasynyń júk ushaǵy apatqa ushyrap, eki adam qaza tapty. Bul týraly TASS Metro News jergilikti aqparattyq ınternet-portalyna silteme jasap habarlady. ále
Onyń aqparaty boıynsha, apat laınerdiń jerge qonýy kezinde bolǵan. Áýejaıdaǵylar atap ótkendeı, ushaqtyń qanaty ushý-qoný jolaǵyna soǵylyp, odan shetkerige - orman alqabyna qaraı shyǵyp ketedi. Bortta áýe kemesiniń komandıri men ekinshi ushqysh bolǵan - olardyń ekeýi de mert boldy.
Ushaq júkterdi ekspress-jetkizilim jasaıtyn United Parcel Service (UPS) amerıkalyq logıstıkalyq kompanııasymen kelisimshartqa otyrǵan.
