AQSh-ta júk poıyzy aýdaryldy
ASTANA. QazAqparat - Aıova shtatynyń quramyna kiretin Dýn qalasynda munaı tasıtyn júk poıyzy apatqa ushyrady, dep habarlaıdy QazAqparat Habar 24 telearnasyna silteme jasap.
32 vagon relsten shyǵyp ketip, 900 myń lıtr shamasynda munaı tógilgen. Osynyń saldarynan jaqyn aımaqtaǵy sý qoımalary lastandy.
Resmı derekterge sáıkes, mamandar tógilgen munaıdyń jartysyn der kezinde jınap úlgergen. Qazir jergilikti turǵyndardyń ómirine eshqandaı qaýip joq. Buqaralyq aqparat quraldarynyń málimetinshe, bul júk poıyzy BNSF Railway kompanııasyna tıesili. Ol munaıdy Kanadadan Oklahoma shtatyndaǵy ConocoPhillips kompanııasyna jetkizýi kerek bolatyn.
