AQSh-ta júk kóliginiń júrgizýshisi FTB keńsesin soǵyp, bomba jaramyn dep qorqytqan
ASTANA. QazAqparat - AQSh-ta júk kóliginiń júrgizýshisi Tomas Ross Pensılvanııa shtaty, Pıttsbýrgtegi Federaldy tergeý bıýrosy (FTB) jergilikti bólimshesiniń qyzmettik avtoturaq aýmaǵyndaǵy kireberis qaqpany soqty, dep habarlaıdy russian.rt.com.
Polıtseılerdiń aıtýynsha, júrgizýshi birneshe qıylystardan qyzyl tús janyp turǵanda ótip ketken. Polıtseıler kólikti toqtatpaqshy bolǵan. Biraq júrgizýshi jyldamdyqty arttyrǵan ári bomba jaramyn dep qorqytqan. Birneshe mınýttan keıin ol FTB ǵımaratyna qaraı kúrt burylyp, kireberis qaqpany soqqan.
Kólik avtoturaq aýmaǵyndaǵy sham baǵanyna soǵyldy, júrgizýshiden basqa eshkim zardap shekpedi, dep habarlady AVSnews.
FTB agentteri kólikti tekserdi, biraq jarylǵysh zat tappady.
Júrgizýshige birneshe bap boıynsha aıyp taǵyldy.
