AQSh-ta júk kóligi jaıaý júrginshilerdi taptap ketti
ASTANA. QazAqparat - Kalıfornııa shtatynyń San-Frantsısko qalasynda bolǵan jol apaty saldarynan jeti adam zardap shekti, dep málimdedi qalanyń órt qyzmeti Twitter paraqshasynda.
Júk kóligi aldymen jeńil avtomobıldi soǵyp, artynsha jol jaǵasyndaǵy eki adamdy basyp ketken. Budan tys kólikte otyrǵan bir otbasynyń bes múshesi de zardap shekti.
San-Frantsısko polıtsııasynyń ókili Greıs Gaptendannyń aıtýynsha, aldyn ala málimetterge oraı fýrgonnyń júrgizýshisi spırtti ishimdik nemese esirtki áserinde bolmaǵan. Polıtsııa bul oqıǵanyń lańkestikke qatysy joq ekenin aıtyp jatyr.
