AQSh-ta joıqyn jer silkinisi bolýy yqtımal
ASTANA. QazAqparat - Amerıkalyq Kalıfornııa shtatynyń ońtústik bóliginde ornalasqan Santa-Barbara qalasynyń janyndaǵy geologııalyq jaryq jer silkinisine sebep bolýy múmkin.
Geophysical Research Letters jýrnalyna maqala jarııalaǵan amerıkalyq ǵalymdar osyndaı tujyrymǵa keldi, dep habarlady Lenta.rý.
Ventýrdyń jaryǵy (Ventura-Pitas Point Fault) Santa-Barbara men Goletadan ótip, attas qaladan batysqa qaraı júz shaqyrymǵa sozylǵan, al onyń bóligi Tynyq muhıtynyń astynda jatyr.
Jaryqtyń naqty nysanyn aıqyndaý úshin ǵalymdar plıtalardyń tektonıkasyn, jergilikti seısmıkalyq belsendilik týraly derekterdi eskerip, kompıýterlik úlgileý júrgizdi. Ventýranyń qurylymy satyǵa uqsaıdy, burynǵy boljamǵa qaraǵanda, betki jaqqa jaqyn ornalasqan bolyp shyqty.
Bul jaryq Rıhter mejeligi boıynsha segiz balǵa deıin jer silkinisine sebep bolýy yqımal. Al onyń bóligi muhıtta ornalasqandyǵy tsýnamıge alyp kelýi múmkin.
