AQSh-ta joıqyn jer silkinisi boldy

dep habarlaıdy RosBıznesKonsaltıng

AQSh Geologııalyq qyzmetiniń saıtynda habarlanǵandaı, jer dúmpýleriniń qaýpinen Amerıka Qurama Shtattarynyń astanasy Vashıngtonda birneshe ǵımarattyń adamdary, sonyń ishinde Kapıtolıı (Kongress otyrysynyń orny) men Pentagon (AQSh Qorǵanys mınıstrliniń ǵımaraty) qaýipsiz jerge kóshirildi.

Vashıngton men jer silkinisiniń kindigi arasyndaǵy qashyqtyq máskeý ýaqyty boıynsha 21:51-de 134 shaqyrym, al jaqyndaǵy eldi meken Lýısa qalasynan 6 shaqyrym dep belgilengen. Jer silkinisiniń oshaǵy 1 shaqyrym tereńdikte. Sondaı-aq jer silkinisi Nıý-Iork, Fıladelfııa jáne Boston qalalarynda da sezilgen. Qaza tapqandar men qıraǵan ǵımarattar týraly aqparat áli kelip túspegenimen, AQSh jedel qyzmetteriniń telefondarynda tynym joq.

Jer silkinisine baılanysty AQSh-tyń Nıý-Iorktegi Djon Kennedı atyndaǵy iri halyqaralyq áýejaıy óz jumysyn toqtatty, dep habarlaıdy Reuters.

Al Nıý-Iorkte federaldy sottyń 26 qabatty ǵımaraty jer silkinisi kezinde qatty qozǵalǵan. Júzdegen adam ǵımarattan shyǵaryldy.