AQSh-ta joıqyn daýyl bolyp, 23 adam mert boldy
ASTANA. QazAqparat - AQSh-tyń Alabama shtatyndaǵy tornado barlyǵyn qıratyp jatyr. Tornado saldarynan 23 adam mert boldy, dep habarlaıdy QazAqparat CNN-ge silteme jasap.
Tornado qurbandarynyń arasynda jas balalar bar. Olardyń kópshiligi Lı okrýginde turǵan. Jergilikti sherıf Djeı Djons qurbandar sanynyń ósýi múmkin ekenin habarlady.
Jergilikti meteorologııalyq qyzmettiń aqparaty boıynsha, jeksenbi kúni kúndiz Alabama jáne Djordjııa shtattarynda qatty daýyl soqqan.
CNN habarlaýynsha, bul sońǵy 8 jyl ishindegi eń joıqyn tornado. 2011 jyly Alabama shtatynda qýatty tornado saldarynan 200 adam qaza tapqan edi.
Sherıf Djonstyń aıtýynsha, okrýgtegi birneshe turǵyn aýyr jaraqatpen jergilikti aýrýhanaǵa jetkizildi. Jeksenbi kúnnen beri aman qalǵandardy izdeý men qutqarý operatsııalary jalǵasyp jatyr. Alabama shtatynda aýa raıyna baılanysty tótenshe jaǵdaı jarııalandy.
AQSh prezıdenti Donald Tramp jergilikti turǵyndardy Twitter akkaýnty arqyly abaı bolýǵa shaqyrdy.
Tornado eki shtattaǵy kóptegen aǵashtardy qıratyp, júzdegen úıdi jermen jeksen etti.
