AQSh-ta jolaýshylar mingen tikushaq apatqa ushyrady

ASTANA. KAZINFORM – AQSh-tyń Mınnesota shtatynda jolaýshylar otyrǵan Robinson R66 tikushaǵy apatqa ushyrady, dep habarlaıdy Fox News.

Tikushaq Leıkvıll qalasyndaǵy Eırleık áýejaıynyń mańynda, eldimekennen tys aýmaqqa qulaǵan. Jerde zardap shekkender joq.

Alaıda áýe kóliginde bolǵan adamdar qaza tapty, olardyń naqty sany ázirge belgisiz.

Robinson R66 – bir qozǵaltqyshty, bes oryndyq, áınek kabınasy bar tikushaq. Qulaǵannan keıin áýe kóligi órtenip ketken.

Qazirgi ýaqytta apattyń sebepteri anyqtalýda.

Buǵan deıin Fınlıandııada eki tikushaq áýede soqtyǵysyp, ekeýi de Tallınnen ushyp shyqqany habarlanǵan bolatyn.