AQSh-ta joǵary tarıfter saqtalsa 2025 jyly retsessııa bolady degen boljam jasaldy

ASTANA. KAZINFORM – Apollo Global Management bas ekonomısi Torsten Slok eger tarıfter qazirgi deńgeıde saqtalsa, AQSh bıyl retsessııaǵa ushyraıtynyna senimdi, dep habarlaıdy NBC News. 

- Barlyǵy tarıfterdiń osy deńgeıde qalýyna baılanysty, eger olar osy deńgeıde qalatyn bolsa, bizde 2025 jyly retsessııa bolatyny sózsiz, - dep málimdedi Torsten Slok.

Eger osy aıdyń basynda engizilgen joǵary tarıfter óz kúshinde qalatyn bolsa, ekonomıkalyq óndiristiń eki toqsan ishinde qysqarý yqtımaldyǵy 90 paıyzdy quraıdy, al jalpy ishki ónim 4 paıyzdyq tarmaqqa tómendeıdi.

Sloktyń retsessııa boljamynda ortalyq oryndy qytaılyq tarıfter alyp otyr.

Onyń pikirinshe, olar ımporttalatyn taýarlarǵa joǵary salyq tóleýge qolma-qol aqshasy joq AQSh-tyń shaǵyn bıznesi úshin óte zııan.

- Olardyń qosymsha 145% tóleýge aqshasy men qolma-qol aqshasy joq. Sondyqtan, eger muny jalǵastyrýǵa jol berilse, bizdi rıteılerdiń aýqymdy kólemdegi bankrottyǵyn kóremiz, - Torsten Slok.

Sarapshynyń aıtýynsha, bólshek saýdadaǵy kez kelgen quldyraý saıyp kelgende eńbek naryǵyna jáne tutynýshylardyń kóńil-kúıine nuqsan keltiredi, óıtkeni 500-den az qyzmetkeri bar shaǵyn bıznes jalpy jumyspen qamtýdyń 80%-yn quraıdy.

Osy aıdyń basynda JPMorgan Asset Management ókili Devıd Kellı 2 sáýirde jańa tarıfter jarııalanǵannan keıin birden joǵary tarıfterdiń saqtalýyna baılanysty retsessııanyń 60% yqtımaldyǵy bar ekenin aıtty.

Qazirgi ýaqytta AQSh aktsııalary quldyrap jatyr. S&P ındeksi 2,4%-ǵa, al Nasdaq tehnologııalyq ındeksi jáne Dow Jones ónerkásiptik ındeksi 2,5%-dan astam tómendedi. Tramp 2 sáýirde «Bostandyq kúni» qurmetine baj salyǵy týraly jarııalaǵannan keıin barlyq úsh ındeks 9%-dan astam tómendedi.

Osyǵan deıin altyn baǵasy rekordtyq deńgeıge kóterilgeni týraly jazdyq.