AQSh-ta joǵalyp ketken qazaqstandyqtyń qaza tapqany rastaldy
ASTANA. KAZINFORM – AQSh-ta iz-túzsiz joǵalyp ketken qazaqstandyq Áset Quralbaıdyń qaza tapqany resmı túrde rastaldy. Bul týraly Qazaqstannyń Syrtqy ister mınıstrligi málimdedi.
Mınıstrliktiń habarlaýynsha, AQSh-tyń quzyrly organdary tabylǵan múrdeniń jeke basyn anyqtaǵan. Onyń Qazaqstan azamaty Áset Quralbaı ekeni belgili boldy.
QR Syrtqy ister mınıstrligi marqumnyń týǵan-týystary men jaqyndaryna kóńil aıtyp, qaıǵysyna ortaqtasatynyn jetkizdi.
Qazir qazaqstandyq dıplomattar AQSh-taǵy jaýapty mekemelermen jáne marqumnyń otbasymen turaqty baılanysta. SІM málimetinshe, týystaryna qajetti konsýldyq kómek kórsetilip jatyr. Onyń ishinde qujattardy rásimdeý jáne máıitti Qazaqstanǵa jetkizý máseleleri de bar.
Aıta keteıik, buǵan deıin AQSh-ta qazaqstandyq azamat jumbaq jaǵdaıda joǵalyp ketkenin jazǵanbyz.
Sonymen birge, AQSh-ta el azamaty joǵalǵanyna baılanysty QR SІM izdestirýge qatysty túsinik berdi.
