AQSh-ta jetkinshek balalar ushaqty aıdap áketip, apatqa ushyrady
ASTANA. 3 qańtar. QazAqparat - 2012 jyldyń 1 qańtary kúni Amerıkanyń Alabama shtatynda jeńil motorly Piper PA 30 ushaǵy apatqa ushyrady, dep habarlaıdy Associated Press.
Bortta bolǵan barlyq úsh adam qaza boldy. Bılik organdary oqıǵanyń sebepterin anyqtaýmen aınalysýda. Aldyn ala málimetter boıynsha, áýe kemesin «ushyp qaıtý» nıetimen úsh jetkinshek aıdap ketken.
Tótenshe jaǵdaı Djaspen eldi mekenine jaqyn jerdegi orman alqabynda oryn aldy. Mert bolǵandardyń esimderi jarııalanbaı otyr. Túsip jatqan málimetter boıynsha, oqıǵanyń qaıǵyly aıaqtalýyna qolaısyz aýa raıy sebep boldy. 1 qańtar kúni Alabama shtatynda kún bultty boldy. Polıtsııadan málim etkendeı, pılottardyń birinde motorly ushaqty júrgizý tájirıbesi bolǵan. Bul joly onyń qolynda ekimotorly ushý apparaty boldy.
