AQSh-ta jetim bala ózin asyrap alǵysy kelgen adamǵa aqsha jınap júr
ASTANA. QazAqparat - AQSh-tyń Mıssýrı shtatynda 9 jasar bala ózin asyrap alýshylardyń sot shyǵynyn óteý úshin lımonad satýmen aınalysyp júr, dep jazady life.ru.
Trıstan Djeıkobson esimdi bala lımonad sýsynyn daıyndap, satyp júr. Bala tapqan aqshasyn ózin asyrap alý úshin qajet shyǵyndardy óteýge jınap keledi, dep jazady jergilikti BAQ.
Ol kishkentaıynan Donnı Devıs esimdi áıeldiń úıinde turyp keledi. Áıel ony asyrap alǵysy keledi, biraq sot shyǵyndaryn óteý úshin oǵan 10 myń dollar qarjy jınaý qajet bolǵan. Osylaısha, bala bolashaq anasyna ózi úshin sýsyn satý arqyly kómektesýdi sheshken.
