AQSh-ta jer silkinisinen Vashıngtonǵa ornatylǵan monýmentte jaryq paıda boldy, endi ol jabylmaqshy
ASTANA. 24 tamyz. QazAqparat - AQSh -tyń shyǵys jaǵalaýynda ótken túnde bolǵan qatty jer silkinisinen AQSh-tyń birinshi prezıdenti Djordj Vashıngtonnyń eskertkishi búlinip, biraz zaqymdanǵan,
dep jazady RBK daily basylymy.
Basylymnyń jazýynsha, eskertkishtiń joǵarǵy jaǵy 1848-1884 jyldary salynýyna baılanysty eskirgen bolýy kerek, syzat paıda bolǵan. Osyǵan baılanysty obelısk belgili bir ýaqytqa deıin kelýshiler úshin jabylatyndyǵy aıqyn bolyp otyr, dep habarlaıdy RBK.
Jer silkinisiniń saldarynan Vashıngtonnyń eń bıik ǵımarattarynyń biri - Ulttyq shirkeýge de zaqym kelgen. Shirkeýdiń buqaramen baılanys jónindegi dırektory Rıchard Vaınbergtiń aıtýynsha, ortalyq munarada úsh bekitkish synyp túsip, tórtinshisi salbyrap tur.
