AQSh-ta jer silkinisi boldy
ASTANA. 1 jeltoqsan. QazAqparat - Seısenbi kúni Atlant muhıty akvatorııasynda, Nıý-Iorktyń ońtústik-shyǵysyna qaraı shamamen 200 shaqyrymdaı jerde terbelisi 3,9 baldyq jer silkinisi boldy.
QazAqparat bul týraly AQSh Geologııalyq qyzmetine silteme jasap habarlaıdy.
Amerıkan seısmologtarynyń aqparaty boıynsha, jergilikti ýaqyt 10:45-te (astana ýaqyty boıynsha 15:45) bastalǵan jáne birneshe sekýndqa sozylǵan dúmpýlerdiń kindigi 6,5 shaqyrym tereńdikte bolǵan. Jerasty dúmpýleri Nıý-Iork shtatymen qosa, kórshi Nıý-Djersı jáne Konnektıkýt shtattarynda da sezilgen. Polıtsııa silteme jasaǵan jergilikti telekompanııalar, jer silkinisiniń saldarynan eshkimniń zardap shekpegenin habarlap otyr.
