AQSh-ta jeńil motorly ushaqtyń qulaýy saldarynan tórt adam qaza tapty
ASTANA. QazAqparat - Amerıkanyń Vıskonsın shtatynda jeńil motorly ushaq qulap, sonyń saldarynan tórt adam qaza tapty, dep habarlaıdy jergilikti bılik kózderine silteme jasaǵan KSTP telearnasy.
Telearnanyń málimetterinshe, oqıǵa dúısenbi kúni keshke Vıskonsınniń batysyndaǵy Polk okrýginde ornalasqan Amerı qalasynan ońtústik-batys jerde oryn alǵan. Aımaq polıtsııasynyń málimetteri boıynsha, Beech M35 ushaǵynyń ishinde tórt adam bolǵan, olardyń barlyǵy apat saldarynan mert boldy.
Oqıǵanyń mán-jaılary anyqtalý ústinde.
