AQSh-ta jeńil motorly ushaq balalar ortalyǵyna qulady
ASTANA. Aqpannyń 18-i. QazAqparat - AQSh-tyń Polo-Alto degen eldi mekeninde jeńil motorly ushaq apatqa ushyrady.
Ushaq bortynda bolǵan úsh adam qaza tapty, dep habarlaıdy Associated Press.
Oqıǵa keshe Kalıfornııa shtatynda, ushaq Palo-Alto áýejaıynan kóterilgennen keıin oryn alǵan. Jergilikti ókimettiń málimdemesi boıynsha, Air Unique Inc áýe kompanııasyna tıesili Cessna 310 modelindegi ushaq balalar ortalyǵy ornalasqan ǵımaratqa qulaǵan. Degenmen, jerdegi adamdardyń arasynda oryn alýy yqtımal qurbandyqtar týraly ázirge málimet kelip túsken joq.
Polıtsııanyń aqparaty boıynsha, ushaq apatynan onyń bortyndaǵy úsh adam ǵana opat bolǵan. Qurbandardyń tulǵalary men apattyń sebepteri ázirge anyqtalǵan joq.
