AQSh-ta jeńil atletıkadan álem chempıonynyń qyzyn atyp ketti
ASTANA. QazAqparat - AQSh-ta jeńil atletıka boıynsha sprınterlik qashyqtyqqa júgirýden úsh dúrkin álem chempıony Taıson Geıdiń 15 jasar qyzy Trınıtı aýrýhanada kóz jumdy, dep habarlaıdy RIA Novostı.
Kentýkkı shtaty Leksıngton qalasy polıtsııasynyń málimdeýinshe, tártip saqshylary meıramhanalardyń biriniń mańynda atys boldy degen aqparat alǵan. Kýágerlerdiń aıtýynsha, janjal shyǵarǵandar eki túrli kólikte bolǵan. Saqshylar bir kólikti toqtatyp, ondaǵy eki adamdy tergeýge alyp ketken.
Atys kezinde úsh ret oq tıgen Trınıtı Geı keıinirek Kentýkkı ýnıversıtetiniń medıtsınalyq ortalyǵynda alǵan jaraqattarynan kóz jumǵan.
Taıson Geı 2007 jylǵy jeńil atletıkadan álem birinshiliginde 100, 200 metrlik qashyqtyqta jáne 100 metrge 4 adamdyq estafetada altyn medal alǵan dańqty sportshy.
