AQSh-ta jeke adamdar ıeligindegi jolbarystar tumsa tabıǵattaǵydan áldeqaıda kóp
ASTANA. QazAqparat - Búkilálemdik tumsa tabıǵat qory ǵasyr boıy jabaıy jolbarystardyń ósip-ónýiniń baıaýlaýy keıin qaıtadan kóbeıe bastady, dep habarlady https://inosmi.ru.
Degenmen Foreign Policy habarlaýynsha, qazirgi kezde AQSh-ta baqtarda, úıler men páterlerde 5000 úı jolbarystary ómir súrip jatyr eken. Al zooparkterde olardyń sany - 350 ǵana. 1990 jyldan bastap Amerıkada mundaı «úı mysyqtary» (jobarystar, leopardtar, arystandar) 23 adamdy óltirgen, 259 adam jaraqat alǵan, dep habarlaıdy Big Cat Rescue qaýymdastyǵy.
AQSh balyq resýrstary men jabaıy janýarlardy qorǵaý qyzmetiniń baspasóz hatshysy Gevına Shaıranyń aıtýynsha, jyrtqyshtardyń ıeleri bul jóninde habarlaýy mindetti emes (olardy satarda bolmasa), sondyqtan da elde úı tutqynyndaǵy jolbarystar sany 10 000-ǵa taqap qaldy.
Amerıkanyń alty shtatynda (Soltústik jáne Ońtústik karolına, Vıskonsın, Nevada, Alabama jáne Vırdjınııa) jyrtqyshtardy qolda ustaýdy retteý sharalary qarastyrylmaǵan. 14 shtatta mundaı qajetti ruqsat bar, al 30-ynda oǵan tyıym salynǵan. Sońǵysyna Nıý-Iork te jatady. Alaıda 2003 jyly gazetterdiń birinshi betterinde garlam páteriniń jolbarysy paıda boldy. Bireýler jaýnar sidiginiń qatty ıisine shaǵymdandy, aqyrynda jolbarys óziniń ıesin jaraqattady. Polıtsııa aralasqannan keıin ǵana jyrtqysh ań Ogaıo zoobaǵyna attandyryldy.
«Jyrtqyshtardy jaqsy kórip, mápeleıtinder bar, al olar keıinnen naǵyz taǵy ǵa aınalyp, jaǵdaı baqylaýdan shyǵyp ketedi, - dep jazdy Halyqaralyq janýarlardy qorǵaý qorynyń ókili The New York gazetinde, - Kóbine janýarlardy ıesiz qaldyryp ketetin jáne qaýipti jaǵdaıda ustaıtyndar da jetkilikti».
