AQSh-ta jedel járdem tikushaǵy apatqa ushyrap, úsh adam qaza tapty

ASTANA. KAZINFORM — Mıssısıpı shtatynda jedel járdem tikushaǵy apatqa ushyrap, úsh adam qaza tapty. Bul týraly CBS telearnasynyń jergilikti fılıaly habar berdi.

— AQSh-tyń Mıssısıpı shtatyndaǵy Mıssısıpı ýnıversıtetiniń medıtsınalyq ortalyǵynda jedel járdem tikushaǵynyń apatqa ushyraýy saldarynan úsh adam qaza tapty, — delingen habarlamada.

Tikushaq Medıson okrýgindegi Natchez traktine jaqyn jerde apatqa ushyraǵan.

Okrýgtegi sherıf keńsesi ókiliniń málimdeýinshe, tikushaq ormanǵa qulaǵan. Medıtsınalyq ortalyq ókilderiniń aıtýynsha, bortta olardyń eki qyzmetkeri men ushqysh qana bolǵan.

Qosa keteıik, Fıladelfııada sanıtarlyq avıatsııa ushaǵy apatqa ushyraǵan edi. Apat saldarynan 7 adam qaza tapqan.