AQSh-ta jazǵy demalysta gadjet qoldanbaǵan oqýshylarǵa aqsha tólenbek
ASTANA. QazAqparat - Vashıngtondaǵy jeke orta mektep dırektory Dıana Smıt oqýshylar jazǵy demalysta gedjetterdi qoldanbaıtyn bolsa, olarǵa 100 dollar kóleminde aqshy tóleýge ýáde berdi, dep jazady gazeta TheWashington Post. Bul týraly atalmysh basylymǵa silteme jasap Rıa Novostı agenttigi habarlady.
Smıt balalarǵa aldymen jazdyń árbir seısenbisin uıaly telefon men ózge de elektrondy quraldarsyz ótkizýdi usynǵanyn aıtady.
Ata-analar ustazdyń bul bastamasyn biraýyzdan qoldaǵan.
9 jyldan astam ýaqyttan beri bilim berý mekemesin basqaryp kele jatqan Smıt jyl saıyn jaǵdaıdyń kúrdelenip bara jatqandyǵyn aıtady. Balalar ınternette túnniń bir ýaǵyna deıin otyryp, bir-birine habarlama jazýdyń saldarynan uıqylary qanbaı sharshap júretin kórinedi.
Ustaz oqýshylardyń gadjetterdi aptasyna bir kún bolsa da paıdalanbaǵany úshin aqshany qaltasynan tóleýge daıyn.
