AQSh jalǵan neke shemasymen grın-karta taratqan 11 adamdy jaýapqa tartty
ASTANA.KAZINFORM - AQSh Ádilet mınıstrligi Qytaı men AQSh azamattary arasynda 1000-nan astam jalǵan neke uıymdastyryp, aýqymdy alaıaqtyq shemaǵa qatysqan 11 adamǵa qarsy qylmystyq is qozǵady, dep habarlaıdy CBS News.
Nıý-Iorktiń Ońtústik okrýginde berilgen 21 bettik aıyptaý aktisine sáıkes, 2016 jyly bastalǵan neke shemasyn aıyptalýshylar Emı Chen, Sıao Meı Chan jáne Gan Chjen uıymdastyrǵan.
Aıyptaý aktisine sáıkes, jalǵan neke Qytaı azamattaryna AQSh-ta grın- karta alýǵa kómektesý úshin júrgizilgen. Qujatta sheteldik azamattar jalǵan nekelerdi uıymdastyrýǵa jáne grın-kartalarǵa ótinish berýge kómektesý úshin deldaldarǵa 100 000 dollarǵa deıin aqsha tólegeni aıtylady.
Alaıaqtyqqa qatysqan deldaldardyń ózderi shamamen 5000 dollar komıssııa alǵan.
Qylmystyq shema AQSh boıynsha jáne odan tys jerlerde, Konnektıkýt, Massachýsets, Pensılvanııa, Kentýkkı, Tennessı, Djordjııa jáne Florıda sııaqty shtattarda, sondaı-aq Vanýatý men Qytaı Halyq Respýblıkasynda jumys istedi.
Buǵan deıin AQSh-ta grın-kartaǵa ótinish berý tártibi ózgeretini habarlanǵan.
