AQSh-ta jas bala avıadıspetcher bolyp jumys istegen
ASTANA. Naýryzdyń 4-i. QazAqparat - Nıý-Iorkte Kennedı atyndaǵy halyqaralyq áýejaıda jas bala ushaqtarǵa ushýǵa jáne qonýǵa buıryq bergen.
Bul oqıǵa aýdıojazbany tyńdaǵannan keıin belgili bolyp otyr. Anyqtalǵandaı, aqpannyń 16-sy kúni dıspetcherdiń jumysyn onyń balasy atqarǵan bolyp shyqty. 10 jastar shamasyndaǵy «jas dıspetcher» ákesiniń basshylyǵymen ushqyshtarǵa nusqaýlar bergen, dep habarlaıdy RBK agenttigi.
Azamattyq avıatsııa basqarmasynyń ókilderi muny «erejeler men kásibı tártipti buzýdyń dóreki oqıǵasy ǵana emes, aqylǵa syımaıtyn fakti» dep atap otyr. Qazir naǵyz dıspetcher - balanyń ákesi men aýysym basshysy jumystan shettetildi, al keleńsiz jaıt boıynsha tekserý júrip jatyr.
