AQSh-ta jarylǵysh zattar tıelgen 47 vagon relsten shyǵyp ketti
SIBLI. QazAqparat – AQSh-tyń Aıova shtatyndaǵy Sıblı qalasynyń mańynda jarylǵysh zattar tıelgen tıelgen temirjol júk quramy relsten shyǵyp ketti. Jergilikti bılik oqıǵaǵa kópirdiń opyrylyp túsýi sebep bolýy múmkin ekenin aıtýda, dep habarlaıdy QazAqparat KTIV telearnasyna silteme jasap.
Union Pacific Railroad temirjol kompanııasynyń ókilderi oqıǵanyń jeksenbi kúni jergilikti ýaqyt boıynsha saǵat 14:00-de bolǵanyn aıtty.
Joldan 47 vagon shyǵyp ketken. Oqıǵa saldarynan bir adam zardap shekti, ol poıyz brıgadasynyń múshesi emes.
Apattan keıin birden órt shyǵyp, qaýipti jaǵdaı oryn alǵan, sebebi poıyz tyńaıtqyshtar men ammonıı nıtratyn tasymaldap kele jatqan edi. Órt sóndirýshiler shamamen 8 shaqyrym radıýsta turatyn jergilikti turǵyndardy evakýatsııalaýda.
Union Pacific Railroad ókilderi oqıǵa ornyn tazalaý jumystaryna shamamen qansha ýaqyt jumsalatyny belgisiz ekenin atap ótti. Poıyzdyń joldan shyǵyp ketýine qatysty tergeý júrýde.
