AQSh-ta jarany ózi emdeıtin «aqyldy» dákeler oılap tabyldy
ASTANA. QazAqparat - AQSh-ta elektronıka jáne dári-dármekpen jabdyqtalǵan ınnovatsııalyq dáke oılap tabyldy. Atalmysh medıtsınalyq qural tańylǵan jarany adamnyń kómeginsiz ózi emdeıdi.
Massachýsets tehnologııalyq ınstıtýtyndaǵy zertteýshilerdiń oılap tapqan oraýyshy - óte ıilgish jáne qozǵalysqa kedergi keltirmeıtin gıdrogelden jasalǵan berik dáke. Oǵan teriniń temperatýrasyn baqylap, ınfektsııalarǵa qarsy dárini avtomatty túrde sebetin ınnovatsııalyq tetikter ornatylǵan.
Gıdrogel 90 paıyz sýdan quralyp, adam terisiniń qasıetterin qaıtalaıtyndaı jobalanǵan. Gelmen ótetin tıtan symdary dákeni toqótkizgish etip, oǵan elektrondyq quraldardy, mysaly, jartylaı ótkizgishtik chıpterdi engizýge múmkindik beredi. Sondaı-aq oǵan jaryq dıodtary ornatylǵan, olar jaradaǵy temperatýra belgili bir shekteýge deıin jetkende nemese dári-dármek aıaqtalǵanda janady. Geldiń quramynda dári-dármekterdiń qory qurylyp, jaraǵa arnaıy arnalarmen jetkiziledi.
Ǵalymdar bolashaqta jaraǵa dárigerdiń kásibı kómegi qajet bolatyn bolsa onda dákeniń qashyqtyqtan eskertetin tetigin jasaýdy oılastyryp otyr.
Al ázirshe «aqyldy» dáke turaqty medıtsınalyq baqylaýdy qajet etetin jáne ınfektsııalyq qaýip týdyratyn kúıik shalý kezinde synalmaq.
