AQSh-ta jappaı atys deregi boıynsha 24 jastaǵy kúdikti qamaýǵa alyndy
ASTANA. KAZINFORM – AQSh-tyń Mıssısıpı shtatynda alty adamnyń ólimine ákelgen jappaı atysqa kúdikti retinde 24 jastaǵy jergilikti turǵyn ustaldy. Bul týraly BBC habarlaıdy.
Bılik ókilderiniń málimetinshe, kúdikti óz ákesin, týǵan aǵasyn, týysyn, jeti jastaǵy nemere qaryndasyn, shirkeý pastoryn jáne pastordyń aǵasyn óltirgen. Atys juma kúni keshke aýyldyq jerde ornalasqan úsh túrli mekenjaıda bolǵan.
Associated Press habarlaýynsha, kúdikti Darıka Mýrdy polıtsııa patrýli kóp uzamaı ustaǵan. Senbi kúni ol kepildiksiz qamaýǵa alynyp, Ýest-Poınt qalasyndaǵy túrmege qamaldy.
Kleı okrýginiń prokýrory jýrnalısterge bergen málimdemesinde bul is boıynsha ólim jazasyn suratatynyn aıtty. Qazirgi ýaqytta tergeýshiler kúdiktiden jaýap alyp jatyr, alaıda onyń qylmysqa barýyna ne túrtki bolǵany ázirge belgisiz.
NBC News derekterine sáıkes, tergeý barysynda Mýr aldymen 67 jastaǵy ákesin, 55 jastaǵy aǵasyn jáne 33 jastaǵy týǵan aǵasyn atyp óltirgeni anyqtalǵan. Keıin ol aǵasynyń júk kóligin aıdap ketip, basqa úıde jeti jastaǵy qyzdy atyp óltirgen. Úshinshi mekenjaıda, sherıftiń aıtýynsha, jergilikti shirkeýdiń pastory men onyń aǵasy bastarynan atylyp qaza tapqan.
Aıta keteıik, buǵan deıin AQSh-ta shekarashylar oq atyp, eki adam jaralanǵany týraly habarlanǵan edi.
