AQSh-ta Jańa jyl qarsańynda lańkestik akti jasamaqshy bolǵan er adam ustaldy

ASTANA. QazAqparat - Nıý-Iork shtatynyń 25 jastaǵy turǵyny Emanýel Latchman Jańa jyl qarsańynda Rochester qalasyndaǵy meıramhanada lańkestik akti jasaýǵa nıettenýi týraly kúdiktelip, ustaldy, oǵan qazirdiń ózinde aıyptaýlar taǵyldy. Bul týraly AQSh ádilet mınstrligi habarlady. Onda Latchman «Islam memleketiniń» jaqtasy bolǵan degen paıymdaý jasaldy.

AQSh-ta Jańa jyl qarsańynda lańkestik akti jasamaqshy bolǵan er adam ustaldy

«Aıyptaý qorytyndysyna sáıkes, Eamanýel Latchman IGIL-ge (IM burynǵy ataýy) materıaldyq qoldaý kórsetýge tyrysqan, ol Jańa jyl qarsańynda osy lańkestik uıymy atynan kinásiz beıbit turǵyndardy óltirýge bel baılaǵan», - dep málimdedi AQSh bas prokýrorynyń kómekshisi Djon Karlın.

Alaıda quqyq qorǵaý organdary qaskóıdi der kezinde qolǵa túsirdi, dep habarlady TASS. Tergeý málimetteri boıynsha, ustalǵan adam shetelden belgisiz IM múshesinen nusqaý alǵan jáne 31 jeltoqsanda Rochesterde ornalasqan barlardyń nemese meıramhanalardyń birinde kelýshilerge qarýly shabýyl jasamaq bolǵan. Ol sondaı-aq Taıaý Shyǵysqa attanyp, ıslamshylarǵa da qosylmaq bolǵan. Endi oǵan 20 jyl merzimge túrmeden otyrý, sondaı-aq 250 myń dollar mólsherinde aıyppul tóleý qaýpi tónip tur.