AQSh-ta jańa kólikter 19 paıyzǵa qymbattady

NUR-SULTAN. QazAqparat – AQSh-ta jańa kólik satyp alý 2021 jyldyń mamyr aıyndaǵy jaǵdaıǵa qaraǵanda 19 paıyz qymbatqa túsedi, dep habarlaıdy QazAqparat ABC News arnasyna silteme jasap.

Cox Automotive & Moody's Analytics-tiń kólik qoljetimdiligi ındeksiniń esebine sáıkes, jańa kólikterdi satyp alý qıyndyǵy joǵary paıyzdyq mólsherlemeler men baǵasynyń ósýine baılanysty. Qujatta ádettegi aı saıynǵy tólem 1,7% ósip, 712 dollarǵa jetkeni jazylǵan. Bul – rekordtyq eń joǵary kórsetkish.

Kelley Blue Book derekteri mamyrda jańa avtokólikterdiń ortasha baǵasy 47 148 dollardy quraǵanyn kórsetti, bul barlyq ýaqyttaǵy ekinshi joǵary kórsetkish bolyp tabylady.

Kelley Blue Book bas redaktory Braıan Mýdı kólikterdiń tómen usynysy jáne satyp alýshylardyń qymbat kólikterge joǵary suranysy baǵanyń ósýine ákeletinin túsindirdi. Degenmen, tutynýshylar áli de Mazda, Hyundai jáne Buick sııaqty suranysy az brendterge keremet usynystar ala alady.

Mamyr aıynda baǵanyń ósýi nebári 1%-dy qurady, bul qunnyń tómendeýi múmkin ekenin kórsetedi.