AQSh-ta jańa 100 dollarlyq aqsha belgisi aınalymǵa engizilmek
ASTANA. 7 qazan. QazAqparat - AQSh-tyń Federaldyq qor júıesi (FQJ) seısenbi kúni osydan 2 jyl buryn engizilmek bolǵan jańa 100-dollarlyq aqsha belgisin aınalymǵa engizbek, dep habarlaıdy RosBıznesKonsaltıng.
Qoldan jasaýdan saqtandyrýdyń dástúrli qaýipsizdik sharalaryna qosymsha banknotqa úsh ólshemdi kók lenta salynbaq, oǵan salynǵan sýret aqsha belgisin ary beri aınaldyrǵanda ózgerip turatyn bolady. Sonymen qatar, ol qaǵazǵa basyp shyǵarylmaıdy, qaǵazben birge óriledi. Jáne de banknotqa salynǵan sııa keri aınaldyrǵanda túsin aýystyra otyryp, qońyraýǵa aınalady.
«Adamdar odan neni izdeý kerektigin biletin bolsa, aqsha belgisiniń shyn nemese jalǵan ekenin eki-aq sekýndta ajyrata alady», - dep málimdedi FQJ ókili Maıkl Lambert.
100 dollarlyq aqsha belgisiniń barlyq qaýipsizdik sharalaryn ázirleýge 10 jyldan astam ýaqyt qajet boldy. Aldymen, ol 2011 jylǵy aqpan aıyna josparlanǵan, alaıda tehnıkalyq qıyndyqtarǵa baılanysty keıin shegindirýge týra keldi.
100 dollarlyq aqsha óziniń keń taralǵandyǵymen AQSh-tan tys jerlerde jıi qoldan jasalatyn aqsha belgisi bolyp tabylatynyn atap aıtamyz.
