AQSh-ta zeınetker áıel taksıdi aıdap ketip, klıentterdi jetkizip salǵan
ASTANA. QazAqparat - Fıladelfııa polıtsııasy 65 jastaǵy Bettı Tomas (Betty Thomas) beısenbi kúni túngi ýaqytta oıynhanaǵa jetý úshin taksı ustaǵanyn aıtty, dep habarlady Associated Press .
Jolshybaı ol sý satyp alǵysy kelip, júrgizýshiden janarmaı quıý stanasyna soǵýyn ótinedi. Áıeldiń dúkenge jetýine kómektesý úshin júrgizýshi kólikten shyǵady. Polıtsııa tólemge qatysty olardyń arasynda janjal týyndaǵanyn atap ótti. Osydan keıin Keıýana kóliktiń rýline otyryp, ketip qalǵan.
Jarty saǵattan keıin polıtseıler taksıdi toqtatyp, artqy oryndyqta 23 jastaǵy áıel men onyń kishkentaı qyzynyń otyrǵanyn kóredi. Ol kóliktiń urlanǵanyna esh kúdiktenbeı, taksı shaqyrtqanyn málim etken. Onyń aıtýynsha, dittegen jerine jaqyndaǵan soń jolaqy tólemek bolyp jatqan.
Tomas tutqyndaldy. Ol «urlyqtyń birneshe túri» boıynsha aıyptaldy. Áıeldiń basqa jolaýshylardy baratyn jerlerine jetkizgen-jetkizbegeni belgisiz.
