AQSh-ta zeınetker áıel ekinshi ret mıllıon utyp aldy
ASTANA. QazAqparat - 60 jastaǵy Konstans Karpenıto ómirinde ekinshi ret lotereıada mıllıon dollar utty. Zeınetker áıel lotereıa bıletin 20 jyl buryn satyp alyp, djekpot utyp alǵan týra sol dúkennen satyp aldy. Endi Karpenıto óz nemerelerine umytylmas Rojdestvony ýáde etýde, dep habarlaıdy dni.ru.
Massachýsets shtatyndaǵy Stoýnhem qalasynyń turǵyny utys ákelgen lotereıa bıletin jergilikti Stop&Shop sýpermarketteriniń birinen satyp alǵan. Bul zeınetker áıeldiń ekinshi úlken utysy ekenin habarlanyp otyr - sonaý 1996 jyly ol osy sýpermarketten lotereıalyq bıletti satyp alyp, alǵashqy mıllıonyn utyp alǵan.
Lotereıany jeńip alǵan kompanııa 60 jastaǵy Konstans Karpenıtoǵa 650 myń dollar tólep úlgerdi. Bul soma zeınetker áıeldi óz utysyn birden alyp ketý sheshimine baılanysty azaıtylǵan - zańnamaǵa sáıkes, mundaı jaǵdaıda utys somasyna salyq salynady, dep jazady Boston Herald basylymy.
Zeınetker áıel eń tabysty lotereıa oıynshylarynyń biri bolyp tabylady. Mıllıon dollardy eki ret utqanynan basqa, birneshe aı buryn ol syılyq retinde taǵy 20 myń dollar aldy, dep habarlaıdy The Mashable.
1996 jyldan beri áıel AQSh-ta tanymal «$10,000,000 Diamond Millionaire» lotereıasyna bıletterdi kún saıyn satyp alýda. Ondaǵy eń úlken utys somasy 10 mıllıon dollardy quraıdy.
Zeınetker áıeldiń úsh balasy, bes nemeresi bar eken. Ol utysynyń bir bóligin urpaqtary úshin umytylmas Rojdestvony uıymdastyrý úshin jumsaýdy ýáde etti.
