AQSh-ta zańsyz júrgen bir top Ózbekstan azamaty eline qaıtaryldy

ASTANA. KAZINFORM — 21 qańtarda Amerıka Qurama Shtattarynyń ýákiletti organdary el aýmaǵynda zańsyz júrgen adamdardy deportatsııalaý úshin taǵy bir charterlik reıs jasady. Bul týraly Ózbekstan Syrtqy ister mınıstrligi habarlady. 

Bul reıspen Ózbekstannyń 44 azamaty otanyna qaıtaryldy.

Charterlik reıs AQSh-tyń tıisti memlekettik organdarymen birlesip uıymdastyrylǵany jáne ony júzege asyrý «Ózbekstan azamattarynyń eline qaýipsiz jáne ýaqytyly oralýyn qamtamasyz etkeni» atap ótildi.

-Bul jáıt Ózbekstan men Amerıka Qurama Shtattary arasyndaǵy yntymaqtastyqtyń taǵy bir mańyzdy mysaly bolyp tabylady. Basqa elderdegi elimiz azamattarynyń qaýipsizdigin qamtamasyz etý, olardyń zańdy quqyqtaryn qorǵaý jáne olardy otanyna qaıtarý boıynsha yntymaqtastyq jalǵasyp jatyr, - delingen habarlamada.

Eske sala keteıik, AQSh-tan deportatsııalanbaq bolǵan ózbekstandyqtar eline oraldy.

Deportatsııalanǵan ózbekstandyq mıgranttar elge qaıtý shyǵynyn óteýge mindetteledi.