AQSh-ta YouTube-tiń alǵashqy mýzykalyq syılyǵy tapsyryldy
ASTANA. 4 qarasha. QazAqparat - Nıý-Iorkte YouTube iri beıneportalynyń alǵashqy mýzykalyq syılyǵyn tapsyrý rásimi ótti. Jyl oryndaýshysy retinde Emınem tanyldy.
VVS-diń jazýynsha, nomınanttar jyl ishinde YouTube-te kórermender nazaryna ilikken beınerolıkter ishinen alty kategorııa boıynsha tańdaldy. Osy oraıda adamdar barynsha kóp qaraǵan beınesıýjet jeńimpaz dep tanyldy.
«Úzdik beıne» mártebeli atalymynda Maılı Saırýs, Ledı Gaga jáne Djastın Bıber sekildi juldyzdar usynylǵanymen, syılyqty "I Got A Boy" óleńimen Ońtústik Koreıanyń Girls' Generation toby aldy.
Youtube syılyǵyn tapsyrý rásimi ınternet arqyly tikeleı kórsetildi.
Aıta keteıik, bul saıttyń negizin 2005 jyly Kalıfornııada PayPal kompanııasynyń burynǵy úsh qyzmetkeri qalaǵan. 2006 jyly ony 1,7 mlrd. AQSh dollaryna Google kompanııasy satyp aldy.
