AQSh-ta ıogamen shuǵyldanatyn erler qatary 50%-ǵa jetken
ASTANA. QazAqparat- AQSh-ta ıoganyń er adamdarǵa arnalǵan jańa túri paıda boldy. Ony «Broga» dep ataıdy. Bul sózdiń tórkini aǵylshyn tilindegi «brazer», ıaǵnı aǵa nemese ini degennen alynǵan.
Amerıkada ıoga alǵash taralǵan kezde onymen aınalysatyndardyń basym bóligi qyz-kelinshekter bolatyn. Biraq qazir bul úrdis tolyǵymen ózgerip, sońǵy kezderi ıogamen shuǵyldanatyn erlerdiń qatary 50%-ǵa jetken. Onyń ústine jigitterdiń qyzdarmen bir bólmede shuǵyldanýy yńǵaısyzdyq týdyrǵan. Osylardy eskergen Robert Sıdotı jáne Adam O'Nıl esimdi jigitter ıogany er adamdarǵa laıyqtap, bulshyq etterge arnalǵan qarqyndy jattyǵýlardy qosyp, brogany oılap tapty, dep habaarlaıdy 24.kz.
