AQSh-ta XVIII ǵasyrda jasalǵan Stradıvarı skrıpkasy urlandy
ASTANA. QazAqparat - Amerıkadaǵy Mılýokı qalasynda Stradıvarı skrıpkasy qoldy boldy.
Jergilikti polıtsııa ókilderiniń habarlaýynsha, shamamen 300 jyl buryn jasalǵan aspap Mılýokı sımfonııalyq orkestriniń kontsertmeısteri Frenka Elmondtan urlanǵan. Dúısenbi kúni keshke, kontsertten keıin, kolledjdiń kólik turaǵynda belgisiz bireý mýzykantqa shabýyl jasaǵan. Qylmysker Elmondty elektroshokermen uryp, skrıpkasyn ala sala izin sýytqan. Polıtseıler urlyqshylardyń izine túse almady.
1715 jyly jasalǵan aspap mýzykalyq ortada "Lıpınskııdiń Stradıvarıi " dep tanylǵan. Onyń alǵashqy ıeleriniń biri polshalyq kompozıtor Karol Lıpınskıı bolǵan. BAQ derekterine qaraǵanda, bul mýzykalyq aspaptyń quny 3,5 mıllıon dollarǵa jýyq, dep habarlaıdy RSN agenttigi.
