AQSh-ta vırýs juqtyrǵandar sany 3 mln-nan asty
NUR-SULTAN. QazAqparat - AQSh-ta vırýs juqtyrǵandar sany 3 mln-nan asyp ketti, dep habarlaıdy Habar24kz.
Amerıkalyq Djons Hopkıns ýnıversıtetiniń dereginshe, bir ǵana Florıda shtatynyń ózinde 282 myń adamnan koronavırýs ınfektsııasy anyqtalyp, 4 myńnan astam naýqas qaıtys boldy. Bul vırýs oshaǵy bolǵan Qytaıda dertke shaldyqqandar sanynan úsh ese kóp. Kalıfornııada da naýqastardyń kúrt kóbeıgeni baıqalyp otyr. Іndettiń órshýine tosqaýyl qoıý úshin jergilikti bılik karantın rejımin kúsheıtti. Atap aıtqanda, shtatta meıramhanalar, kınoteatrlar, mýzeıler jáne zoobaqtardyń jumysyna shekteý qoıyldy. Sonymen qatar 30 okrýgte shirkeýler, keńseler, fıtnes ortalyqtary jáne shashtarazdar jabyldy.
«Otbasyńyzdan tys adamdarmen aralasýdy toqtata turyńyz. Bul – qarapaıym qaǵıda. Alaıda muny da saqtamaıtyndar bar. Los-Andjeles pen San-Dıego mektepterinde jańa oqý jylynda sabaq onlaın rejımde ótedi. Epıdemııa báseńdegenshe, qashyqtan oqý formatyn qoldanýǵa týra keledi»,-deıdi Kalıfornııa shtatynyń gýbernatory Gevın Nıýsom.
