AQSh-ta vaktsınanyń arqasynda koronavırýstan qaıtys bolǵandar sany kúrt tómendedi
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap habarlaıdy.
«Vırýstyń sıngapýrlyq nusqasy joq. Sońǵy aptalarda anyqtalǵan vırýs úndistandyq shtamǵa sáıkes keledi - B. 1.617.2», - dedi Sıngapýr Densaýlyq saqtaý mınıstrliginiń ókili.
Argentınada ótken táýlikte koronavırýs ınfektsııasyn juqtyrýdyń 35 543 jańa jaǵdaıy anyqtaldy. Bul pandemııa bastalǵannan beri elde tirkelgen eń joǵary kórsetkish. Juqtyrǵandardyń jalpy sany 3 371 508-ge jetti. Sońǵy 24 saǵatta 745 naýqas koronavırýs ınfektsııasy saldarynan kóz jumdy, bul aldyńǵy kezeńdermen salystyrǵanda kórsetkishtiń birneshe esege joǵarylaǵanyn kórsetedi.
Búgingi tańda AQSh halqynyń 47,5% SARS-CoV-2 vaktsınasynyń kem degende bir dozasyn aldy. AQSh aýrýlardy baqylaý jáne aldyn alý ortalyqtarynyń (CDC) málimetteri boıynsha, ótken aptada elde 12-15 jas aralyǵyndaǵy 600 myńǵa jýyq jasóspirim KVI-ge qarsy ekpe saldyrdy. Osy jastaǵy adamdar tobyna Biontech/Pfizer vaktsınasyn qoldaný retteýshi organdardyń ruqsatynan keıin júzege asyrylyp otyr. Jalpy alǵanda, 17 jasqa deıingi 4 mıllıonnan astam adam koronavırýsqa qarsy egildi.
«Vaktsınatsııa aýrýdyń, aýrýhanaǵa jatqyzýdyń jáne ólimniń kúrt tómendeýine ákeldi. Pandemııa bastalǵannan beri alǵash ret barlyq 50 shtatta koronavırýs ınfektsııasynyń jańa jaǵdaılarynyń sany azaıdy», - dedi Aq úıdiń koronavırýspen kúres jónindegi keńesshisi Endı Slavıtt.
Kanada bıligi Sovid-19 pandemııasyna baılanysty engizilgen shekteýlerdi tek kanadalyqtardyń 75% kem degende koronavırýsqa qarsy vaktsınanyń bir dozasyn saldyrǵannan keıin jeńildetiletindigi týraly málimdedi. Qazirdiń ózinde 17,3 mıllıon adam ekpe jasady, bul 12 jastan asqan halyqtyń 55%-n quraıdy.
