AQSh-ta vaktsına almaǵandar arasynda koronavırýs juqtyrǵandar kóbeıdi
VAShINGTON. QazAqparat – AQSh-ta ólim jaǵdaılarymen birgen COVID-19 juqtyrý kórsetkishi artty. Jańa Delta shtamyn juqtyrýshylar sanynyń kóbeıýi pandemııanyń jańa tolqynyn týǵyzdy, bul vaktsınalanbaǵan adamdar arasynda jıi kezdesýde, dep habarlaıdy QazAqparat Amerıka daýysy jańalyqtar qyzmetine silteme jasap.
Vaktsınatsııa deńgeıi eń tómen tórt shtatta ótken aptada 40% ınfektsııa juqtyrý jaǵdaıy tirkelgen. Alaıda aýrýǵa shaldyǵýshylar sanynyń artýy barlyq 50 shtatta baıqalady.
Aýrýlardy baqylaý jáne aldyn alý ortalyǵynyń dırektory, doktor Roshel Valenskı juma kúni ótken aptada AQSh-ta kún saıyn orta eseppen 26 000 jańa koronavırýs jaǵdaıy tirkelgenin aıtty.
Onyń aıtýynsha, epıdemııa «vaktsınalanbaǵan adamdar arasyndaǵy pandemııaǵa» aınaldy.
Keıin jumada prezıdent Djo Baıden «bizdegi pandemııa - vaktsınatsııalanbaǵan adamdar arasyndaǵy pandemııa» ekenin rastady.
Djons Hopkıns ýnıversıtetiniń koronavırýs boıynsha ortalyǵynyń senbi kúngi málimetine sensek, álemde COVID-19-dan 4 mıllıonnan astam ólim jaǵdaıy tirkelgen.
Zertteýshilerdiń derekterine sáıkes, 2020 jyldan bastap álem boıynsha jańa koronavırýsqa shaldyǵýdyń 189 mıllıonnan astam jaǵdaıy tirkelgen.
