AQSh-ta vaktsına alǵan 4 adamnan koronavırýs anyqtaldy
NUR-SULTAN. QazAqparat – AQSh-tyń Oregon shtatynda eki doza vaktsına alǵan kem degende tórt adam koronavırýs juqtyrdy. Bul týraly Amerıkanyń NBC medıa-kompanııasy habarlaǵan.
QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyndaǵy málimetterge qaraǵanda, adamdarda SARS-CoV-2-ge oń test vaktsınanyń ekinshi dozasyn alǵannan keıin 14 kúnnen keıin anyqtalǵan. Vırýs juqtyrǵan tórteýdiń aýrýy sımptomsyz ótken.
Al Frantsııanyń «Sanofi» farmatsevtıkalyq kontserniniń jetekshisi amerıkandyq Translate Bio kompanııasymen birlesip jasap jatqan COVID-19 qarsy vaktsına bıyl naryqqa shyǵarylmaıtynyn málimdedi. Buǵan deıin «Sanofi» vaktsına 2021 jyldyń ekinshi jartysynda qoldanýǵa ruqsat alady dep josparlanǵan.
Oksford ýnıversıteti 6 men 17 jas aralyǵyndaǵy balalarǵa «AstraZeneca» vaktsınasyn synaqtan ótkizetinin habarlady. Aldyńǵy synaqtar onyń eresekterge qaýipsiz ekendigin kórsetti. Zertteýge 300 astam erikti qatysady, olardyń 240-y vaktsına alady. Alǵashqy ekpeler aqpan aıynda jasalady dep josparlanýda.
