AQSh-ta uzyndyǵy úsh metrdeı qoltyraýyn jasóspirimniń qolyn tistep, julyp aldy
ASTANA. 11 shilde. QazAqparat - Amerıkandyq Florıda shtatynyń jasóspirimi úshin ózenge shomylý qaıǵyly aıaqtaldy.
Oǵan úsh metrlik qoltyraýyn shabýyldap, qolynyń bir bóligin tistep, julyp alǵan.
Jábirlenýshiniń dostary qoltyraýynnyń jasóspirimge shabýyldaǵan kezinde ol qorǵaný úshin qolyn alǵa sozǵanyn aıtty. Alaıda jyrtqysh qolynan tistep, balany tereńge alyp ketpek bolǵan.
Jergilikti tabıǵatty qorǵaý vedomstvosyndaǵylar mamandardyń álgi qoltyraýyndy taba alǵanyna sendirdi. «Biz ony óltirip, tistep alǵan qoldy alyp shyqtyq, aýrýhanaǵa aparyp, dárigerler endi ony tige ala ma, joq pa, sony bilý úshin bardyq», - dep málimdedi vedomstvonyń ókili. Alaıda anyqtalǵandaı, medıtsınalyq qyzmetkerler jasóspirimniń qolyn tige almady. Dostarynyń aıtýynsha, jasóspirim «tiri qalǵanyna baqytty».
