AQSh-ta úılerdi syzbasyz salatyn robot shyǵaryldy
ASTANA. QazAqparat - Amerıkandyq ǵalymdar bir-birimen aralaspastan bir komandada iri jáne kúrdeli nysandardyń qurylysyn júrgizetin robottar jasap shyǵardy, dep habarlaıdy Rosbalt.
Amerıkalyq ǵalymdarǵa atalmysh robottardy oılap shyǵarý oıy afrıkalyq termıtterdi kórgennen keıin kelgen. Olar jańa robotty TERMES dep ataǵan, sebebi olar osy jándikterdi zertteýdiń negizinde jasalǵan. Qurylysshy-termıtterdiń basty qasıeti «stıgmergııa» bolyp tabylady. Bul - aqparatty janama túrde, beder, túrli hımııalyq sıgnaldar arqyly berýdi bildiredi.
Jumysty qarapaıym algorıtm basqarady. Sebebi, oǵan qurylystyń basty tásilderi engizilgen. Aldaǵy ýaqytty atalmysh robot ózen tasýyna bóget bolatyn dambalar, túrli tabıǵı apattardan keıin ýaqytsha baspanalardy salýda paıdaly bolýy múmkin degen boljam bar.
