AQSh-ta úıde 300 egeýquıryq, jylan, úı qoıanyn jáne shegirtke ustaǵan erli-zaıyptylardy tutqyndady
ASTANA. 8 qańtar. QazAqparat - Florıda shtatynyń polıtsııasy úıinde 300-ge jýyq jan-janýarlar men jándikterdi ustaǵan erli-zaıyptylardy qamaýǵa aldy, dep habarlady Rosbalt.
Quqyq qorǵaýshylardyń málimetterine qaraǵanda, jan-janýarlar men maqulyqtar óte jaman jaǵdaıda ustalǵan, olar ashyqtan-ashyq bir-birin jep tirshilik etken. Úı ıeleri úılerinde egeýquıryq, jylan, qus, úı qoıanyn jáne shegirtke ustaǵan.
EFE agenttiginiń habarlaýynsha, polıtsııaǵa úı ıeleriniń ózderi kelgen. 26-28 jastardaǵy erli-zaıyptylar birjarym jastaǵy balalaryn taba almaı qalǵan.
Quqyq qorǵaýshylar oqıǵa ornyna kelgende erli-zaıyptylardyń tanystarynyń biriniń tastap ketken hatyn kórgen, ol balany ózimen birge alyp ketkenin, úı ıelerin oıata almaǵanyn habarlaǵan. Quqyq tártibin qorǵaýshylar erli-zaıyptylardyń araqqa sylqııa toıǵan mas kúıinde ústerinen shyqqan.
Qazirgi kezde olar jan-janýarlarǵa qatigezdigi jáne balaǵa durys qaramaǵany úshin aıyptalýda. Tergeý amaldary júrgizilýde.
Polıtsııanyń aıtýynsha, jan-janýarlar men maqulyqtar úıde jáne aýlada ustalynǵan, olardyń birqatary ólip qalǵan.
