AQSh-ta ushaqtan mektep aýmaǵyna áýe otyny tógilip, 60 bala zardap shekti
NUR-SULTAN. QazAqparat - 60 bala men birneshe eresek Los-Andjeles áýejaıyna apatty jaǵdaıda qonǵan Boeing 777-200 áýe kemesinen tastalǵan reaktıvti otynnan keıin medıtsınalyq kómekke júgindi, dep habarlaıdy QazAqparat VVS-ge silteme jasap.
Janarmaı baktarynan kerosın alty mektep ornalasqan aımaqqa, atap aıtqanda balalar alańyna shashyraǵan.
Zardap shekkender tynys alýlarynyń qıyndaýy men terileriniń titirkenýine baılanysty shaǵymdanýda.
Delta 89 reısi Los-Andjelesten Shanhaıǵa ushqan, biraq qozǵaltqyshynyń synýyna baılanysty ekıpaj shuǵyl túrde qaıta oralý týraly sheshim qabyldaǵan.
Tekserý júrip jatyr.
Delta Airlines áýe kompanııasy shuǵyl qonbastan buryn ushaq salmaǵyn azaıtý úshin otyndy tógý qajet bolǵanyn resmı túrde rastady.
Laıner sátti qondy, jolaýshylar men ekıpaj músheleri arasynda zardap shekkender joq.
