AQSh-ta ushaq turǵyn úıdiń ústine qulady
ASTANA. QazAqparat - AQSh-ta jeńil motorly Cessna 172 ushaǵy (Kalıfornııa shtaty) San-Hose qalasynda turǵyn úıge qulady, dep habarlaıdy TASS.
Jergilikti basylymdardyń birine silteme jasap agenttiktiń habarlaýyna qaraǵanda, ushaq bortynda 3 adam bolǵan. Zardap shekkender emhanaǵa jatqyzyldy. Ekeýiniń jaǵdaıy aýyr, bireýi jeńil jaraqattanǵan. Bir qyzyǵy, ushaq ústine qulaǵan kezde úı ishinde 13 adam bolǵan. Olardyń eshqaısysy zardap shekpegen.
Aerodromnan ushyp shyqqan jeńil ushaq áýege kóterilgennen keıin birden dıspecherge aqaýlyq shyqqandyǵy týraly habar bergen. Olar keri baǵytta qaıta ushyp kelmekshi bolyp tyrysqan. Alaıda ol múmkin bolmady.
Oqys oqıǵanyń sebepteri anyqtalý ústinde.
