AQSh-ta ushaq tasıtyn atom kemesin alǵash ret áıel basqardy

NUR-SULTAN. QazAqparat – AQSh-ta eldiń áskerı-teńiz kúshteri tarıhynda atom avıatasymaldaǵyshyn basqarý alǵash ret áıel adamǵa júkteldi, dep habarlaıdy QazAqparat dw.com-ǵa silteme jasap.

Kapıtan Emı Baýernshmıdt Abraham Lincoln avıatasymaldaǵyshynyń komandıri bolyp alǵash ret 2020 jyldyń jeltoqsanynda taǵaıyndaldy. 23 tamyzda Germanııa BAQ-tary 19 tamyzda San-Dıego qalasynda ótken saltanatty rásim kezinde onyń bul qyzmetke resmı túrde kiriskenin habarlady.

Emı Baýernshmıdt 49 jasta. Ol Mılýokı qalasynyń týmasy (Vıskonsın shtaty). Task&Purpose onlaın basylymynyń málimetinshe, áıelderge áskerı kemelerdiń bortynda qyzmet etýge ruqsat berile sala, Baýernshmıdt 1994 jyly áskerı-teńiz akademııasyn bitirgen alǵashqy túlekterdiń qatarynda boldy. Odan keıin ol áskerı-teńiz avıatsııasynyń ushqyshy retinde qyzmet atqaryp, áýede jalpy 3000 saǵattan astam ýaqyt ótkizgen.

2016 jyly Baýernshmıdt Abraham Lincoln avıatasymaldaǵyshy komandıriniń aǵa kómekshisi retinde taǵaıyndalyp, tarıhta bul qyzmettegi alǵashqy áıel boldy. 2019 jyldyń qarashasynan 2020 jyldyń qazan aıyna deıin ol San Diego kemesin basqardy.

Uzyndyǵy 300 metrden asatyn Abraham Lincoln atom avıatasymaldaǵyshy AQSh áýe-teńiz kúshteri qyzmetine 1989 jyly berilgen. Bul keme bir ýaqytta 85 ushaq tasymaldaı alady.